ပန်းစကား
@@@@@
အလွမ်းမပြေ ပန်းဝေသည့်ပုပ္ပါး
ရာသီခါ ချိန်သင့်ပြီမို့
တောင်တွေမှာ ဝေနေကြပြီပေါ့
မွှေးတဲ့ပန်းစကား။ ။
မညှိုးသာ အစဉ်မနွမ်းစေဖို့
လန်းစေလို မိုးရေဖျန်းလို့ရယ်
ပွင့်ပြန်ခဲ့ချိန်ခါ
ရွှေဝါရောင်စကားပန်းတွေက
လေလာရာ တောင်နှံ့မွှေးစေပေါ့
တမ်းတခဲ့သူပါ။
နတ်တောင်တော် ရွှေပုပ္ပါးမှာဖြင့်
သည်ချိန်ခါ တောင်လုံးမွှေးတော့မယ်
ပန်းစကားရာသီ။
ဗျတ္တခေါ်သည်အမောင်ကိုဖြင့်
မှန်းရည်ရွယ်မယ်ဝဏ္ဏရင်ထဲ
ပွင့်လာတယ် အသည်းပန်း..
မောင် မနမ်းရင်ဖြင့်
ရင့်နွမ်းကာ အဆင်ပျက်မှာမို့
မနက်နေ လေနုဦးရယ်နှင့်
အခက်ဝေ ကြွေလုဖူးကို
အမောင်ရေ..
ခူးလို့ ဆင်မြန်း..။
လိပ်ပြာ
(2. 6. 16)
(7:00AM)
No comments:
Post a Comment