ငါ့နှလုံးသား ပန်းဝတ်ရည်ကို လှမ်းချူလို့အပြီးမှာ
နှုတ်မဆက်ဘဲ မင်းရုတ်တရက်
ထွက်သွားတော့မှာလားလိပ်ပြာ
ငါ့နှလုံးသားကိုကြွေပြုန်းအောင်
မင်းနင်းခြေပြီးမှ
မသိချင်ယောင်ဆောင်မင်းလှည့်ထွက်
ရက်စက်လိုက်တာလိပ်ပြာရယ်
လှပတဲ့မင်းရဲ့အတောင်ပံကိုဖြန့်
ငါ့ထက်သာတဲ့ပန်းတွေဆီ
မင်းကူးဦးမှာပေါ့
ခနလာလည်တဲ့ဧည့်သည်မှန်းသိပေမဲ့
ဘဝသေသည်အထိ
ချစ်ခဲ့တာပါလိပ်ပြာ
သစ္စာမသိတဲ့မင်းကို
ချစ်ပါလို့တောင်းဆိုမိပေမဲ့
ငါ့ရဲ့နူးညံ့တဲ့နှလုံးသားကို မင်းမကစားသင့်ဘူးနော်လိပ်ပြာ
ငါ့နှလုံးသား က
ခပ်ပါပါးပုတ်ရင်တောင်
လှုပ်တုတ်တုတ်ပါလိပ်ပြာရယ်
ခုတော့
ကျောက်ဖြစ်ရုပ်ကြွင်းမဟုတ်တဲ့
ငါ့နှလုံးသားသေရာပါမဲ့ဒါဏ်ရာတွေနဲ့
ဖြေသာမရအောင်ငိုကြွေးနေမိတယ်
ချစ်တယ်လိပ်ပြာရယ်
မင်းမာယာဘယ်လောက်များများ
မင်းမျက်နှာဘယ်လောက်များများ
ငါ့နှလုံးသားကတော့မင်းမှမင်းပါ
မင်းချစ်တာတွေမသိပေမဲ့
မင်းသစ္စာတွေမရှိပေမဲ့
ငါအသက်ရှူနေရခြင်းဟာ
မင်းပါလိပ်ပြာ
အလွမ်းတွေကိုမပွေ့ဖက်ပါရစေနဲ့တော့
ခပ်ခါးခါးဝီစကီကို
ခပ်ပြင်းပြင်းROCKသီချင်းတပုဒ်နဲ့
အမြည်းမလုပ်ပါရစေနဲ့တော့
တခြားရင်ခွင်မှာ
မင်းမပျော်ရွှင်ရရင်
ရင်ခွင်ဟောင်းမှာခြေချ
ခနတာဆိုလည်း
တဘဝစာလိုမင်းကိုဘဲရိုးမြေကျစေမယ်
မျက်နှာမများနဲ့တော့လိပ်ပြာ
ဒီရင်ခွင်ဟာမင်းအတွက်
အသက်ထက်ဆုံးဖြစ်စေမယ်
မာယာမများနဲ့တော့လိပ်ပြာရယ်
ငါ့နှလုံးသားငိုသံ
တချက်နားဆင်ပေးပါလိပ်ပြာ
မင်းဟာငါ့အသက်မို့ပါ
လိပ်ပြာ(21.12.2015)(15:00PM)်
No comments:
Post a Comment