ချစ်သူသိစေ …
တပြည်ကွာအဝေးမို့
အနေကြာသွေးအေးလို့
မကြင်နာတမင်စိမ်း
ရင်မှာတမင်တိမ်းနေမှန်းသိပေမဲ့
မချိတာကလွဲရင်
အပစ်မဆိုခဲ့ပါဘူးမောင်။ ။
အညတြ ဒီရင်ခွင်ကို
ခနတာလာခိုဝင်တော့
ငြိုငြင်ကာ မငြင်းပယ်ရက်ပြီမို့
ဗလာကျင်းတဲ့နှလုံးသားနဲ့
အမုန်းစကားအတင်းဆိုလည်း
ပြုံးကာသာမာန်ဟုန်တင်းပါလို့
ရင်နာရတာကလွဲရင်
မငြိုငြင်ရက်ခဲ့ပါဘူးမောင်။ ။
သစ္စာတွေသွေဖယ်ကင်းလို့
ချစ်တာတွေဗလာကျင်းတာကြောင့်
ဒီရွှေရင် နာကျင်တတ်ပေမဲ့
ဇာတ်နာတယ် ဆိုရအောင်
အရပ်တကာလည် ငိုမပြချင်ဘူး
အားငယ်သူ့အသည်းဘဝင်မှာ
နားလည်မှု လိုချင်တာမို့
မှားတယ်လို့မောင်ဆိုချင်လည်း
ချစ်တာသာပိုင်ဆိုင်သူမို့
ဝမ်းနည်းရတာကလွဲရင်
အပစ်မတင်ရက်ခဲ့ပါဘူးမောင်။ ။
မောင့်အလို လိုမကျလေသမို့
ဖြေသိမ့်စရာ ရှာမတွေ့ပြီဘဲ
စကားဆို ပျားလိုမချိုတဲ့ပြင်
အနားကိုလဲ မသွားလို မလာလိုတော့
လျော့ရဲရဲ မေတ္တာဓာတ်
ပေါ့နည်းနည်း သစ္စာပျက်ကာ
အချစ်မပါ အပြစ်ရှာရက်တဲ့အပြင်
နောက်ရင်ခွင်မောင်လျှောက်လှမ်းလိုတော့
ပစ်ခွာလို တမင်စိမ်းပြီပေါ့
မကြင်နာတကယ်တိမ်းရှောင်လို့
စိတ်မှာသာကြိတ်ခါ ဖြေမိလေငြား
အတိတ်ဟာ အဆိပ်ပမာ ပူလောင်ငြိလေပေါ့
သိက္ခာရှိယောင် သူဟန်ဆောင်တဲ့
ချစ်ဦးသူ အမောင်သိစေသား
ဆုတောင်းကာမေတ္တာပို့လိုက်ရဲ့
စိမ်းရက်သူအား။ ။
လိပ်ပြာ
(3.6.16)(11:46AM)
No comments:
Post a Comment